1. Home
  2. Article

സഞ്ജയന്റെ ദേശം

എം എൻ കാരശ്ശേരി
 
 'ചങ്ങലംപരണ്ട' എന്ന് കേട്ടിട്ടുണ്ടോ? ഇല്ലെങ്കിൽ കേൾക്കണം.
 എന്താ വിശേഷം എന്നാണെങ്കിൽ, പ്രശസ്ത ഹാസ്യകാരൻ സഞ്ജയന്റെ സാങ്കൽപികഗ്രാമത്തിന്റെ പേരാണത്. അദ്ദേഹത്തിന്റെ ഹാസ്യ കഥകളെല്ലാം അരങ്ങേറുന്നത് അവിടെയാണ്. ബഷീറിന്റെ' സ്ഥലം' പോലെ, സഞ്ജയന്റെ സാങ്കൽപിക ദേശമാണ് 'ചങ്ങലംപരണ്ട'. ഈ പേര് കേൾക്കുമ്പോൾ പലരും വിചാരിക്കും സഞ്ജയൻ ഉണ്ടാക്കിയ വാക്കാണ് എന്ന്. എന്നാൽ, അങ്ങനെയല്ല. വാക്ക് നേരത്തെയുണ്ട് .

 സംഗതി എന്താണെന്നോ?
 ഒരു വള്ളിച്ചെടിയുടെ പേരാണ് അത്. നമ്മുടെ പ്രധാന നിഘണ്ടു ' ശബ്ദതാരാവലി' യിൽ ഈ വാക്കുണ്ട്. ഔഷധ മൂല്യമുള്ള ഒരു വള്ളിച്ചെടിയാണത്. വാതം, കൃമി, കഫം, നേത്രരോഗം, അർശസ്, അഗ്നിമാന്ദ്യം, ഗുല്മം , മഹോദരം, ലൂതാവിഷം, ദുഷ്ടവ്രണം ഇവയ്ക്ക് നന്ന് എന്ന് നിഘണ്ടു അതിന്റെ ഔഷധ മൂല്യം വിവരിച്ചിരിക്കുന്നു. ശബ്ദതാരാവലി രചിച്ച ശ്രീകണ്ടേശ്വരം പത്മനാഭപിള്ള (1864-1946) വൈദ്യം പഠിച്ചിരുന്നതിനാൽ ഔഷധവുമായി ബന്ധപ്പെട്ട ഏത് വാക്ക് വന്നാലും അദ്ദേഹം ഇത്തരം വിശദീകരണങ്ങൾ ചേർക്കും.
 സഞ്ജയൻ , ആ പേരിന്റെ ഹരം കണക്കിലെടുത്ത് അതൊരു' സ്ഥലനാമം' ആക്കുകയായിരുന്നു.

***

Recent Post

  • Narrative

    കുടിയിറക്ക്: പഠിക്കാത്ത പാഠങ്ങൾ

  • Podcast

    തെളി മലയാളം

  • Detoor Article

    രംഗപ്രഭാത്‌ : കുട്ടികളുടെ നാടകവേദി